Kort og krúsídúllur

Tvö fermingarkort

2011-04-06T11:35:00.000-07:00

Það hlaut að koma að því að maður gæfi sér tíma til að blogga smá :) Hér eru tvö fermingarkort sem ég gerði um daginn.

Eruption in Eyjafjallajökull, Iceland.

2010-04-15T10:21:00.000-07:00

This photo is taken by Olafur who lives in this farm, Thorvaldseyri.

2010-04-07T01:57:00.000-07:00

Í þetta fermingarkort er notaður BG pappír, Wiff of Joy stimpill sem er litaður með Distress Ink og blóm frá Prima. Ég saumaði í pappírinn með vél en handsaumaði í pappírinn sem er á bakvið stimpilinn og fannst það mjög skemmtilegt, mun pottþétt gera það aftur ;)

Innan í kortinu er vasi sem hægt er að smeygja peningi í og er hugmyndin fengin frá Scrappassion

Nokkur jólakort

2010-01-07T03:51:00.000-08:00

Ég gerði ekkert mjög mörg jólakort fyrir jólin en gerði samt nógu mörg til að allir fengju handgert kort eftir mig :) Þau voru nú samt ekki öll svona íburðarmikil eins og þess og ég ætla ekki að setja mynd af þeim hér inn ;)

Áskorun/ Wiff of Joy challenge

2009-10-14T14:32:00.000-07:00

Ég hef aldeilis verið í kortagírnum í dag, fór og hitti skemmtilega frænku og við grúskuðum svolítið saman í skrappdóti hvor annarrar ...eins og krakkar sem komast í leikföng ;) Kannist þið við þetta? ;) Í kvöld gerði ég svo þetta kort fyrir áskorun hjá Wiff of Joy Challenge blog en þar er skorað á mann að hafa útskorið mót (die) á kortinu. Ég á nú ekki í vandræðum með það þar sem ég á slatta af formum til að skera út með ;) Svo er líka skilyrði að nota Wiff of Joy stimpil og ég á víst nokkra svoleiðis líka :) Takk fyrir að kíkja á bloggið mitt :)

This is a card for the Wiff of Joy Challenge blog. I just love this stamp.....so cute! The big snowflake is a Boss Kut die and that was the challenge...to use a die on the card. Thank you for visiting my blog and have a nice day! :)

Til hamingju með daginn kortagerðarkonur! Happy World Card Making Day! :)

2009-10-03T12:46:00.000-07:00

Jólakort gert í tilefni alþjóða kortagerðardagsins :)

Jólakortin streyma inn :) - Christmascard

2009-10-02T05:20:00.000-07:00

Oh hann er svo sætur þessi stimpill....einn sá flottasti held ég bara :) Yljar manni um hjartaræturnar. Ég hafði líka gaman af því að lita hann með dásamlega Distress Ink-inu mínu. Hann er einn af nýju jólastimplunum frá Wiff of Joy.

Snjókornið er frá Quick kuts, blómin frá Prima og laufblöðin eru pönsuð út með MS pönsum. Á bleðlinum undir myndinni er stimpill frá Tom Holtz og pappírinn er BG.

I just love this cute stamp from Wiff of Joy and I enjoyed color it with my lovely Distress Ink.

Jólakort og alþjóðlegi kortagerðardagurinn.

2009-09-29T10:24:00.000-07:00

Þetta kort var ég að klára áðan. Það er búið að vera lengi á borðinu hjá mér þar sem mér hefur ekki gengið vel að klára það, kom ekki út eins og ég vildi en það verður bara að hafa það! Ég kolféll fyrir þessari gömlu konu þegar ég sá hana fyrst. Hún heitir Mumu og er ekki stimpill heldur mynd sem ég keypti af þessari síðu: Mo's digital pencil Svo prentaði ég hana út í þeirri stærð sem hentaði og litaði hana með Copics tússlitunum :)

I just finished this card. It has been for a while on my table and I have had a little trouble to finish it. I'm not satisfied with the result. I have fallen in love with this old lady, I found her onMo's digital pencil

Laugardaginn 3. október verður alþjóðlegi kortagerðardagurinn haldinn og ég hvet ykkur til að taka þátt og skella í eins og eitt kort eða svo :) Það ætla ég að gera og setja það inn á bloggið mitt svo endilega fylgist með ;)

Jólaengill

2009-09-12T12:42:00.000-07:00

Er alveg í jólakortagírnum þessa dagana og var að enda við að klára þetta. Þarna nota ég stimpil frá Wiff of Joy og lita hann að sjálfsögðu með Distress Ink. Ég var kannski aðeins of áköf með blekið á pappírinn en það sleppur kannski.

Fyrsta jólakortið í ár/ The first christmascard this year.

2009-09-09T05:23:00.000-07:00

Þá fara jólakortin að streyma inn. Eins gott að bretta upp ermarnar og setja allt á fullt í þeim efnum því ég ætla mér að gera ansi mörg jólakort þetta árið.

Ég hafði gaman af því að grafa upp þennan sæta stimpil en hann er úr línu sem heitir Honey and Pip. Afskaplega jólalegur og passar alveg í svona "gamaldags" kort.

Stimpillinn er litaður með Distress Ink. Blómin eru frá Prima. Pappírinn er frá MME....elska þann pappír!

Takk fyrir heimsóknina ;)

This is my first christmascard this year and I attend to make many of them before christmas. I have to use about 30 myself and I would like to make few for my mother. This lovely stamp is Honey and Pip and is colored with Distress Ink. The paper is from MME and the flowers are from Prima. Thank you for visiting :)

Bleikt og aftur bleikt! Pink and more Pink!

2009-09-03T15:09:00.000-07:00

Ég hef verið að dunda mér við að lita með bleki undanfarið og finnst það geðveikt skemmtilegt. Mér gengur líka alltaf betur og betur að lita með því og sannast þar að æfingin skapar meistarann ;)

Næsta kort verður svo jólakort! Vonandi verður það fljótlega. Annars á ég von á nýjum Magnolíum inn um bréfalúguna og þær eru alveg gullfallegar og það verður örugglega freistandi að gera eitthvað úr þeim.

Pink is one of my favorite color and as you can see I use it a lot :) This cute magnoliastamp is colored with Distress Ink and I have been practicing to use it. I love to paint with ink.

Now I will begin to make christmascards ;) Have a nice day!

Mjakast í gang

2009-08-11T09:31:00.000-07:00

Þetta kort er búið að vera margar vikur á borðinu hjá mér en ég hef bara ekki gefið mér tíma til að klára það fyrr en núna. Er að rembast við að koma mér í gírinn til þess að fara að byrja á jólakortunum en ég er ákveðin í að hafa þau glæsileg í ár ;)

Stimpillinn er að sjálfsögðu Magnolia og er máluð með Distress Ink bleki og SU bleki. Pappírinn er Bazzil Bling og Bo Bunny.

Magnolíuáskorun / Just magnolia challenge

2009-05-16T17:36:00.001-07:00

Jæja, loksins smá tími til kortagerðar :) Þetta kort er fyrir áskorun: Just Magnolia og þar sem ég á nóg af Magnolíum þá fannst mér alveg tilvalið að taka þátt ;) Gengur ekki að láta þessar elskur rykfalla ;)

This card is made for the Just Magnolia challenge.

Magnolíukort í áskorun - new challenge blog, Just magnolia

2009-04-23T11:12:00.000-07:00

Loksins kom kort frá mér :) svona er að vera upptekin skólastelpa! Er bara á kafi í að skrifa lokaritgerðina mína og eiginlega með hana á síðasta snúning því það eru skil eftir tæpan mánuð. En vonandi hefst þetta alltsaman ;) En það var gott að setjast niður í smá stund og gera kort. Þetta kort er fyrir áskorun á nýju magnolíubloggi sem heitir Just Magnolia. Það átti að gera kort eftir ákveðinni skissu og nota magnolíustimpil. Þar sem ég á "nokkra" þá ákvað ég að slá til :) Þetta er nýjasta magnolían mín og hún er lituð með copics.

Finally I made a card :) I'm very busy these days writing my final report and when I'm done I will be a registered nurse :) My dream job. This card is made for the new challenge blog Just Magnolia.

Sitjandi Tilda - Sitting Tilda

2009-03-16T10:39:00.000-07:00

Ég hef verið svo upptekin við verkefnavinnu í skólanum síðustu daga að það hefur ekki gefist mikill tími í kortagerðina. Sem er eiginlega alveg ferlegt því það vantar ekki kortagerðarandann yfir mig þessa dagana. En það styttist óðum í útskrift og nú er bara að spýta í lófana á lokasprettinum.

Þessi stimpill er eins og allir þekkja frá Magnolia og hún er lituð með hinum frábæru, æðislegu, dásamlegu copics litum :)

I have been a bit bussy the last days because of some school projects I had to finish. I would rhater make a card than do those school projects but I also want to finish my school ;) Here is a card with one of the great magnolia's Tilda. I colored it with my copic markers.

Kort í sjö kort á sjö dögum áskorun. Seven cards in seven days.

2009-03-08T14:08:00.001-07:00

Þetta kort er í áskorun á skrapbook.is. Það á að gera sjö kort á sjö dögum og þetta er fimmta kortið. Stimpillinn er Wiff of Joy og hann er litaður með SU bleki. Pappírinn er BG. Blingið er í rauninni glært en ég litaði það með Copic's lit og það kom líka svona ljómandi vel út.

I'm going to try to write in english although my english is not very good. This card is made for a challenge. We are supposed to make seven cards in seven days and this one is number five. The beautiful stamp is from Wiff of Joy and I color it with Stampin'Up refill ink. I used Copic marker to color the swirl, I wanted it to be brown instead of crystal. I't looks great.

Kortin streyma alveg þessa dagana!

2009-03-03T12:25:00.000-08:00

Mér tókst í þetta sinn að klára heila örk af pappír í eitt kort. Ég á orðið svo mikið af pappírsafgöngum að það er bara ekki eðlilegt, því ég tími engu að henda. Ætla alltaf að nota þetta alltsaman en er ansi gjörn á að byrja á nýrri örk í hvert sinn sem ég geri kort.

Ný Tilda

2009-02-25T15:35:00.000-08:00

Þessi pappír er einn af mínum uppáhalds í BG, bara fallegur! Svo notaði ég Fiskars pönsana mína til að gera blúndumunstur. Magnolían er máluð með bleki á vatnslitapappír.

Bleikt og bjútí

2009-02-22T09:34:00.000-08:00

Ég er alveg vonlaus í að babbla mikið um þessi kort mín og eiginlega hætt að nenna að segja hvaða efni ég er að nota, þið spyrjið mig bara ef þið hafið áhuga ;) En ég er semsagt alveg í kortagírnum þessa dagana og hugmyndirnar flæða alveg hreint um kollinn!

Mikið leiðist mér hvað það er erfitt að versla sér Copic's litina. Finnst stundum glatað hvað það er erfitt að fá það sem mann virkilega langar í hér á landi. Svona er nú að búa á litlu landi þar sem er lítill markaður...og kreppa þar að auki :(

En sem betur fer er nú hægt að kaupa eitthvað föndurdót hér á landi :)

Kort í áskorun

2009-02-19T11:12:00.001-08:00

Hér er enn eitt kortið sem ég geri í áskorun hjá Wiff of Joy Challenge blog. Þessi stimpill er svo krúttlegur :) Hann er líka frá Wiff of Joy. Ég stimplaði á vatnslitapappír og málaði myndina með bleki. Pappírinn er frá hinum og þessum framleiðendum. Blómin keypti ég á ebay eftir mikla leit ;) Þau eru frá prima ...alveg hrikalega sæt :)

Dúllerí

2009-02-14T09:05:00.000-08:00

Maður verður að láta þetta blogg standa undir nafni og reyna að láta vera svolítið dúllerí á kortunum. Mér finnst það svo gaman og hrikalega flott þegar mikið er lagt í kortin. Það er mitt mottó að ná því líka :)

Áskorunarkort

2009-01-27T15:07:00.000-08:00

Magnolíukort í grænum og brúnum tónum...gert fyrir áskorunarblogg Wiff of Joy.

Afmæliskort

2009-01-26T13:49:00.000-08:00

Það voru margar pásur teknar við að gera þetta kort enda kellan alltaf svo upptekin. En ég er nú samt þokkalega sátt við það bara. Stimpillinn er frá Wiff of joy sem eru bara mínir uppáhalds þessa stundina ;)

Bleikur hengill

2009-01-20T15:03:00.000-08:00

Myndatakan á þessu korti tókst nú ekki vel og ég hef ekki tíma núna til þess að taka betri mynd, geri það við tækifæri því litirnir sem eru í kortinu skila sér ekki nógu vel. En það er svosem ekkert um þetta kort að skrifa, það varð ekki eins og ég ætlaði mér, þetta átti að verða eitthvað voða mikið listaverk en varð ekki betra en þetta.

Tilda á vegg

2009-01-17T14:06:00.000-08:00

Það er svo miklu skemmtilegra að gera kort en að læra þessa dagana og þær stundir sem fara í kortagerðinna eru svo algjörlega stolnar og ættu að fara í verkefnavinnu. Ég hlakka mikið til að geta gert kort án þess að finna fyrir samviskubiti yfir því að ég ætti að vera að gera eitthvað annað...eins og að læra hehe :þ

Fjólublátt og grænt

2009-01-15T13:39:00.000-08:00

Fjólublátt er ekki einn af mínum uppáhalds litum og mér finnst nú lítið spennandi að nota hann. Ég ákvað samt að þar sem ég á til bæði skraut og pappír sem er fjólublátt þá ákvað ég að taka þátt í áskorun á Wiff of Joy áskorunarblogginu en það á að gera kort með fjólubláum og grænum lit, auk þess að nota Wiff of Joy stimpil.

Pappírinn er gamall SU pappír. Fiðrildið er pönsað út með MS pönsi og blómin eru frá Prima.

Músa-afmæliskort

2009-01-13T14:04:00.000-08:00

Ég held bara að ég sé að komast í kortagírinn aftur :) Það er sko kominn tími til! Annars finnst mér frekar erfitt að vinna á þessu litla vinnuborði mínu, það verður allt í drasli eins og skot og draslið hleðst upp á smá tíma. Ég nenni heldur aldrei að taka til um leið og ég er búin að gera kortið hehe :D

Mér finnst þessi stimpill alveg hrikalega dædur! Hann er frá Wiff of Joy og er einn af Party Animals safninu. Myndin er lituð með Copics litunum og pappírinn er BG.

Afmæliskort

2009-01-11T13:38:00.000-08:00

Það greip um sig smá þörf fyrir að skapa eitthvað og úr varð þetta afmæliskort. Ég er þessa dagana í verknámi á Barnaspítala Hringsins og það er brjálað að gera í því og tilheyrandi verkefnavinnu auk þess sem maður er að taka niður jólin og koma heimilinu í stand eftir það. Þegar svona mikið er að gera hjá manni þá langar mann aldrei eins mikið til að sitja og föndra eitthvað ;)

Ég þarf nú sennilega að laga stóru stjörnuna eitthvað, ég fór að asnast til að handskrifa afmæli og er ekki sátt. Nenni því bara ekki núna.

Þetta er Wiff of Joy stimpill...rosa sætur, litaður með Copics tússum. Pappírinn er Crate, man ekki hvaða týpa og stjörnurnar eru pönsaðar út með SU pönsum. Þarna eru líka tölur frá BG.

Fiðrildakort

2008-12-18T12:12:00.000-08:00

Jæja jæja. Mágkona mín á afmæli fljótlega og ég ákvað að gera kort í snatri fyrir hana í dag. Hún er á leið til útlanda yfir jólin og afmælið sitt. Mig hefur lengi langað að gera kort með svona pönsuðum fiðrildum en hef bara ekki getað verslað mér svona fyrr en núna útaf þessu kreppustandi. Meira vesenið. Núna fær maður nánast aldrei pakka :( En vonandi lagast þetta einhvern daginn.

En...það hefur verið mjög mikið að gera hjá mér undanfarið í skólanum, tók meðal annars síðustu prófin mín og nú er ekkert eftir nema smá verknám með tilheyrandi verkefnavinnu og svo lokaverkefni. Vegna anna þá hefur mér ekki tekist að klára nema 9 jólakort af einhverjum 30 - 40 sem ég þyrfti svo það er ekki víst að allir fái heimatilbúin kort frá mér í ár...sem mér finnst mjööög leiðinlegt. En ég ætla samt að reyna að fjöldaframleiða eitthvað í kvöld og annaðkvöld ;)

Wiff of Joy

2008-10-26T16:51:00.000-07:00

Loksins fann ég mér tíma til að nota þennan stimpil en ég er búin að eiga hann í svolítinn tíma. Mér gekk frekar brösuglega að mála kjólinn en það gengur bara vonandi betur næst ;)

+Stimpillinn er +Wiff of Joy

Það kom að því!!

2008-10-25T11:05:00.001-07:00

Að kellan gerði kort! Gerði þetta kort í dag af tilefni þess að mágkona mín var að útskrifast með mastersgráðu og ég fór í veislu til hennar. Ég er búin að vera í algjörri kortalægð en held fast í vonina að sköpunarlöngunin láti á sér kræla á ný. Stimpillinn er Wiff of Joy stimpill og hann er litaður með dásamlegu Copic's tússlitunum mínum :)

Loksins loksins

2008-09-05T15:59:00.000-07:00

Ég er bara ekki búin að vera í kortastuði lengi, skil ekkert í þessu! Þetta kort er búið að vera heillengi í fæðingu. Vonandi er ég nú samt að hrökkva aðeins í gírinn.

Það er nú ekki mikið um þetta kort að segja, nema þá helst stimpilinn en hann er einn af Wiff of Joy stimplunum sem ég er svo skotin í. Þeir eru sko glænýjir á markaðnum :)

Þetta kort gerði ég í áskorun sem ég rak augun í...langaði að vera með :) Hér er hægt að skoða:

Papertake Weekly Challenge

Í kortið notaði ég Bazzil, BG jólapp, Wiff of Joy stimpil sem ég litaði með SU bleki og svo notaði ég MS pöns.

Ískalt

2008-08-24T02:09:00.000-07:00

Þessari Tildu er greinilega ískalt en það er heiti áskorunnar einnar sem er á Tilda & Co Challenge Blog

Ég gerði þetta kort í góðum félagsskap í gær. Fékk tvær kvennsur í heimsókn sem var bara frábært og ég hlakka mikið til að fá þær aftur í heimsókn ;)

Tilda með kökukefli

2008-08-22T15:01:00.000-07:00

Þennan stimpil fékk ég í vikunni ásamt nokkrum bræðrum hans. Ekkert smá fallegir. Ég hef ekki verið í gírnum lengi en vonandi fer þetta að koma hjá mér.

Nú byrjar skólinn á mánudaginn. Ég get nú ekki sagt að ég sé spennt að byrja. En það er spennandi að hitta mínar mjög svo frábæru bekkjarsystur sem mér þykir svoooo vænt um. Það gerir þetta líka aðeins auðveldara að nú byrjar 4. og síðasta árið mitt :) Eftir ár verð ég bara orðin hjúkrunarfræðingur :)

En, nú nenni ég bara ekki að lýsa þessu korti neitt sérstaklega ...held að allir þekki bara uppskriftirnar mínar af kortum ;)

Jóla jóla!

2008-08-11T08:12:00.001-07:00

Þetta kort fæddist rétt í þessu. Það er gert úr Bazzil og MME pp. Primablómum og einhverju blingi. Myndin er Honey and Pip stimpill og er hún lituð með hinum margumtöluðu Copic's litum ;)

Fyrsta jólakort ársins!

2008-08-07T15:22:00.001-07:00

Þá hefur fyrsta jólakort ársins litið dagsins ljós en það er ekki seinna vænna að byrja á þeim. Ég verð svo upptekin í skólanum næstu mánuðina að ég þarf bara að byrja svona snemma. Ég er líka frekar lengi að gera hvert kort.

Þetta kort er gert úr Bazzil og BG pp. Blúndan er gerð með Martha Stewart pönsi og blómið er prima. Stimpillinn er einn af Honey and Pip Christmas Collection.

Stimpillinn er málaður með SU bleki.

This is my first christmas card this year and I have to start making christmascards early because I don't have much time to make cards before christmas. I will be bussy reading my schoolbooks ;)

This card is made of Bazzil and Basic Gray paper. The stamp is one of the Honey and Pip Christmas Collection and I colored it with Stampin'Up ink. The flower is Prima.

Gamaldags og saumað

2008-08-01T15:33:00.000-07:00

Að sauma í kort með saumavél er eitthvað sem mig hefur lengi langað að prófa en ekki gefið mér tíma til þess fyrr en núna. Ég á pottþétt eftir að sauma í fleiri kort því mér finnst það koma svo flott út.

Stimpillinn er Söru Kay stimpill ...ekkert smá krúttlegur ;) Ég málaði hann með SU bleki og pappírinn er K&Company...minnir að hann heiti það hehe :D Blómin eru prima og blúndan er gerð gömul með því að dýfa henni ofaní te.

2008-07-30T09:33:00.000-07:00

Þetta kort er gert í dag á heitasta degi sumarsins og jafnvel enn lengur. Ég sat úti á svölum og sólaði mig á meðan. Var reyndar búin að lita myndina áður.

Auðvitað hlaut útkoman að verða sumarleg :)

Sætur Sörustimpill

2008-07-28T13:20:00.000-07:00

Held bara að þetta sé í fyrsta sinn sem mér tekst að lita svona sörustimpil svo vel sé. En þetta vel bleika og mjög svo stelpulega kort er fyrir áskorun á síðu hjá Katharinu.

Myndin er lituð með SU bleki og það er svo skemmtilegt að nota svona blek, það kemur svo skemmtileg áferð. Pappírinn er Fancy Pants og ég stimplaði hann með Basic Gray stimplum. Þarna er líka Bazzil sem fór í gegnum böggið ;) SU borði, einhver blúnda og svo primablóm.

Nestabilites-magnoliukort

2008-07-25T05:48:00.000-07:00

Jamm, ekkert mikið um það að segja, bara gaman að nota þessi nestabilities mót, gefa marga möguleika og setja skemmtilegan svip á kortin.

Magnolíugítarleikari

2008-07-23T07:24:00.000-07:00

Oh hvað ég er skotin í þessum magnolíum. Það er svosem ekkert mikið um þetta kort að segja. Ég sat í allan gærdag og gerði kort og hafði sko gaman af. Ennþá á ég skrilljón stimpla sem ég á þegar eftir að prófa svo mér er alveg óhætt að halda áfram að stimplast.

Ég nenni eiginlega ekki að lýsa þessu korti neitt, það er bara sami efniviður og í undanförnum kortum ;) Það sést reyndar ekki að eldurinn er litaður með copics glitter pennum og eru alveg gasalega flottir!

Annars er ég í sumarfríi þessa dagana og finnst æðislegt að dúllast bara svona heima. Þarf að fara að byrja á jólakortunum en í gær pantaði ég mér alveg gordjöss jólastimpla sem ég hlakka mikið til að nota :)

Hafið það gott í dag og endilega veriði duglegar að kommenta hjá mér....það er svo gaman að sjá hverjir eru að kíkja í heimsókn.

Umslagskort....eða hvað það nú heitir

2008-07-22T08:28:00.000-07:00

Nú prófaði ég svolítið nýtt, gerði svona umslagskort eða Criss Cross Card

Ég notaði sama pappír og í síðasta kort. MME og Bazzil. Scor-Pal-inn minn kom líka að góðum notum, snilldargræja! Stimpillinn er auðvitað Magnolia eins og örugglega allar þekkja nú þegar ;) litaðir með copic's.

Inni í kortinu er flipi sem hægt er að draga uppúr og skrifa á.

Magnoliukort

2008-07-21T13:18:00.001-07:00

Ég datt í kortastuð í dag. Alveg rétta veðrið til að sitja inni og föndra kort :) Við mæðgur sátum og gerðum kort saman. Fyrst varð ég að hjálpa henni og eftir að það var búið gat ég einbeitt mér að mínu korti.

Magnoliustelpan er lituð með copic's sem eru bara æðislegir og aftur æðislegir. Verst hvað mig vantar fleiri liti hehe :) Maður er í smá tíma að læra inn á þá og þeir verða alltaf skemmtilegri og skemmtilegri. Mikið væri nú gaman ef einhverjum dytti í hug að selja þá hérlendis!!

Pappírinn í kortinu er Bazzil og MME. Svo kom Cuttlebugvélin eitthvað nálægt þessu líka ásamt dásamlegu Nestabilities mótunum. Blómin eru frá Prima og borðinn frá Stampin'Up.

Nú hef ég ákveðið.....alltaf að ákveða eitthvað hehe :) ....að klára hverja örk af pp. Í dag td. byrjaði ég á nýrri örk og ég ætla að gera kort þar til ég klára hana ;) Svona til að reyna að minnka eitthvað afgangabúnkann. Næstu kort munu því verða í svipuðum dúr. En það er bara gaman að sjá mismunandi kort úr sama pp er það ekki? ;)

Vinkonukort

2008-07-20T06:23:00.000-07:00

Nú erum við vinkonurnar að ná fertugsaldrinum. Ein okkar varð fertug í apríl síðastliðinn en við hinar verðum fertugar á næsta ári. Við hinar höfum því svolítið gaman að því að skjóta á þessa þar sem hún er elst. Um daginn fórum við út að borða og gáfum henni síðbúna gjöf og þetta kort fylgdi með.

Þetta er gert úr Bazzil og BG pappír. Stimpillinn er Bella og litaður með copic's litum. Blómin eru prima og MM brads.

Nammipokar

2008-07-19T14:03:00.000-07:00

Prinsessan á heimilinu er orðin sex ára og hætti á leikskólanum á dögunum. Í tilefni þess fór hún með nammipoka handa krökkunum á deildinni. Fósturnar fengu líka nammipoka en hann var aðeins stærri og innihélt konfekt. Við mæðgur höfðum gaman af því að skreyta pokana saman og var hún afar stolt af því að fara með þá í leikskólann.

Stimpillinn sem er notaður er Magnolia stimpill og er hann pönsaður út með SU pönsi. Rauði pp á bakvið er Bazzil og er hann líka pönsaður út með SU pönsi. Myndin er lituð með Copic's litum.

2008-07-12T07:18:00.000-07:00

Velkomin á nýja bloggið mitt. Mig hefur lengi langað að prófa að blogga í þessu umhverfi og er búin að vera í smá tíma að dunda mér við að búa það til. Mér sýnist þetta vera mjög þægilegt allt saman. Miklu fleiri möguleikar en á því gamla. Ég ætla ekki að flytja myndirnar af gamla blogginu yfir, hef bara link á gamla bloggið.